HARITZALDE NATURZALEEN ELKARTEA naturaren alde lan egiten duen irabazteko asmorik gabeko taldea da. 1.992 urtean Donostiako parkeen egoera tamalgarriak eta inguruko mendien desforestazioak gizartean eragindako kezkaren ondorioz sortu zen. Egun 80 bazkide inguruk osatzen dugu taldea, denok konpromiso bera dugularik: naturarekiko errespetuan bizitzea.

Gure helburuak bi ardatz nagusi ditu, bata zientifikoa eta bestea soziala:

• Zientifikoa: gure ingurune naturala ikertu eta aztertzea hobeto ezagutzeko asmoz, ondoren babesten lagundu ahal izateko.
• Soziala: naturaren baloreak gizartera zabaldu eta bioaniztasunaren aberastasuna erakustea, azken finean, giza-kontzientziazioa lortzea.

Gurekin harremanetan jarri nahi izanez gero, jarraian dituzu gure helbide eta telefonoak. HARITZALDEko bazkide izan, antolatutako ekintzen informazioa etxean jaso eta hauetan parte hartu nahi baduzu, bazkide egiteko orria bete eta gurekin harremanetan jar zaitez.