15/2007 EBAZPENA, CRISTINA-ENEA PARKEARI BURUZKOA.

1. Gipuzkoako Batzar Nagusiek uste dute Donostiako Udalak Hiri Antolaketarako Plan Orokorrak dioena bete behar duela. Planak dio Kristina Enea parkea babestutako gunea dela, eta I. mailako babesa duela. Beraz, parkean urbanizazio lanak egiten ari direnean, orain bezala, mantentze lanak baino areago doazenez, indarrean dagoen plan orokorraren arabera, lan horiek Gipuzkoako Foru Aldundiaren aldeko txosten loteslea behar dute. Horrelako txostenik ez dago, eta Donostiako Udalak ez du eskatu ere egin.

2. Gipuzkoako Batzar Nagusiek Donostiako Udalari eskatzen diote ahalik eta azkarren aurkezteko urbanizazio lanen proiektu guztiak, nahiz gauzatutakoak nahiz gauzatu gabeak; alegia, “Kristina Enea parkeko bideak, saneamendua, euri urak biltzeko sistema, eta hiri altzariak hobetzeko gauzatze proiektua (2005eko maiatza, Agence Ter.de GMBH)” izeneko proiektuaren fase ezberdinei dagozkien proiektu guzitak. Izan ere, hori ezartzen dute Donostiako Hiri Antolaketarako Plan Orokorreko hiri ondare katalogatua babesteko arauek.

3. Gipuzkoako Batzar Nagusiek Foru Aldundiari eskatzen diote indarrean dagoen legediak eskaintzen dituen baliabide guztiak erabil ditzala administrazio legezkotasuna berriro ezartzearren, urbanizazio lanei ekiteko beharrezko oinarria delako, eta dituen eskumenak erabil ditzala obren kautelazko berehalako gelditzea lortzeko, alegia, egiten ari diren obrena, aipatutako proiektua gauzatzeko aurreikusitako obrena, eta idazten edo lizitazioan dauden proiektuetako obrena; eta ekin diezaiola parkearen jatorrizko egoera berreskuratzeari, disziplina anitzeko proiektu baten eta parte hartzearen aldeko proiektu baten bidez.

4. Gipuzkoako Batzar Nagusiek Parkea Bizirik plataformari eta hiritar askori egin duten lan eskuzabala eskertzen diete, hain zuzen ere, Mandasko duke Fermin Lasalak Donostiari utzitako Kristina Enea parkeko ondare historikoa, kulturala eta ingurumenekoa defendatzen egin dute eta lan.

Donostia, 2007ko martxoaren 19a.